*பெண் சுதந்திரம் என்பது கட்டறுத்து ஓடும் காளையல்ல.
கட்டுக்குள் இல்லாமல் பட்டிக்குள் நிற்கும் பசு!
* புகையிலையில் பற்று வைத்தால் அது நெஞ்சில்
புற்று வைத்துப் பின்னர் உயிருக்கு முற்று வைக்கும்!
* நாம் எங்கே அதிகம் நம்பிக்கை வைக்கிறோமோ,
அங்கே நமக்காக ஏமாற்றங்களும் காத்திருக்கும்!
* விட்டுக்கொடுக்க நினைப்பவன் கெட்டுப் போவதில்லை!
கெட்டுப்போக நினைப்பவன் விட்டுக் கொடுப்பதில்லை!
* மனைவி, உனக்காக எதையும் இழப்பாள்!
எதற்காகவும் உன்னை இழக்க மாட்டாள்!
* இளமையும் அன்பும் வசந்தகாலப் பரிசு!
அவற்றை நீயே எடுத்து அனுபவித்துக் கொள்!
* மறுமணம் என்பது வாழ்க்கையை இழந்தவருக்கே!
வாழ்க்கையை துறந்தவருக்கல்ல!
* பிரச்சனையை சந்தோசமாகக் கதைத்துத் தீர்க்க மறுத்து
சட்டத்தை நாடுபவர் மடையர்!
* திருமணத்தின் பின் தனிக்குடித்தனம் மணம் வீசும்!
அதற்கு முதலெனில் நாறி விடும்!
* பாசம் அளவுக்கு மிஞ்சி, மனைவியை சந்தேகிக்க முன்
மனைவி உன்னைச் சந்தேகித்தால்
எப்படி இருக்கும் என்று சிந்தித்துப் பார்!
* நெருங்கி இருந்த நண்பன் விலகிப் போனாலும் ஆபத்து!
விலகி இருந்த எதிரி நெருங்கி வந்தாலும் ஆபத்து!
* தான் பெற்ற செல்வங்களுக்கு தாமாகவே உணர்ந்து
தாய்ப்பாலை ஊட்டுவதுதே உண்மையான தாய்மை!
* சொல்லிய வார்த்தைக்கு நீ அடிமை!
சொல்லாத வார்த்தை உனக்கு அடிமை!
* நொந்தவன் வாழ்க்கையை படிப்பினையாக எடுத்துக் கொள்!
உயர்ந்தவன் வாழ்க்கையை குறிக்கோளாக எடுத்துக் கொள்!
* மனச்சாட்சிக்கு மேலானதொரு சாட்சி இல்லை!
அதை மதிக்காவிட்டால் உனக்கு ஆட்சி இல்லை!
* உன்னைப் பழி தீர்த்த ஒருவனை
நீ பழிவாங்க முயன்றால்
இறை தர்மத்தின் தண்டனை
இருவருக்கும் சமமாகவே இருக்கும்!
* அறிஞனுக்கு ரோஜாவின் அழகும் மணமும் தெரியும்!
ஆனால் முட்டாளுக்கு முள் மட்டுமே தெரியும்!
* காதலுக்குரிய கண்ணினை யொத்த
மாதருக் குரிமை மறுப்பவர் மடையர்!
*பிறர் சிறப்புக்களை நீ புகழ்ந்தால்
உன் சிறப்புக்களை ஊர் புகழும்!
*உண்மையைச் சொல்லுங்கள்!
உண்மையாய்ச் சொல்லுங்கள்!
*பாதி உலகம் அறியாமையினால் துன்புறுகிறது!
மீதி உலகம் புத்திசாலித்தனத்தால் துன்புறுகிறது!
* நீ நிலைத்து நிற்க வேண்டும் என்றால்
ஓடிக்கொண்டே இரு!
* எவரும் தோற்பதற்குத் திட்ட மிடுவதில்லை!
திட்ட மிடுவதில்தான் தோற்கிறார்கள்!
* ஒரு மனிதன் விழாமல் வாழ்ந்தான் என்பது பெருமையல்ல!
வீழ்ந்த பொழுதெல்லாம் எழுந்தான் என்பதே பெருமை!
* இறைவன் பாவங்களை எல்லாம் மன்னிக்கின்றார்!
அதனால்தான் சொர்க்கம் காலியாக இருப்பதில்லை!
* நம்பிக்கை இழந்து மதம் மாறுபவன்
நம்பி வந்தவளை மாற்ற மாட்டானா?
* குற்றத்தை ஒப்புக் கொண்டாலே
பாதி மன்னிபுக் கிடைத்து விடும்!
* கடமை, கண்ணியம், கட்டுப் பாட்டுடன்
திண்ணியராக எண்ணியதை முடிப்போம்!
* உங்களது தப்பிற்கு மனச்சாட்சி கூட இல்லாவிடினும்
உங்களது ஜாதகம் சாட்சி சொல்லும்!
* இதயம் ரோஜா மலராக இருந்தால்
பேச்சில் அதன் நறுமணம் தெரியும்!
* காதலியை மனைவியாக்கத் துணிவு தேவை!
மனைவியை காதலியாக்கக் கனிவு தேவை!
* துன்பத்தை அனுபவித்த காலத்தை மறந்து விடு!
ஆனால், அது கற்பித்த பாடத்தை மறந்து விடாதே!
* வாழ்க்கைக்குப் பொருள் வேண்டும்!
வாழ்விலும் பொருள் வேண்டும்!
* ஒவ்வொரு சிறந்த நண்பனும்
ஒரு நேரம் அந்நியனாக இருந்தவன்தான்!
* வாழ்வதற்காக வேலை செய்யுங்கள்!
வேலை செய்வதற்காக வாழாதீர்கள்!
* மற்றவர்களை மரியாதையாக நடத்தியதால்
நஸ்டமடைந்தவர்கள் எவருமில்லை!
* உண்மையான பெரிய மனிதருக்கு
முதல் அடையாளம் பணிவாக இருத்தல்!
* அலுவல் முடிக்க அடிக்கடி வருவார்!
அலுவல் முடிந்த பின் அடிக்கவும் வருவார்!
* பெற்றோர் பிள்ளைகளை உருவாக்கலாம்!
பிள்ளைகள் பெற்றோரை உருவாக்க முடியாது!
* காளையர்க்கு காதல் அரசியல் மாதிரி!
காதலியைச் சுற்றிப் பார்க்கலாமே தவிர
தொட்டுப் பார்க்கக் கூடாது!
* ஒன்று பட்டால் உண்டு வாழ்வு
என்ற வாழ்வை இன்னும் காணோம்!
* நல்லவர்கள் உதவி செய்தேன் என்று சொல்ல மாட்டார்கள்!
உதவி செய்தேன் என்று சொல்பவர்கள் நல்லவரல்ல!
* கனிந்த காதலி இறந்தாலும் நினைப்பில் வாழலாம்!
முறிந்த காதலியை நினைக்கவும் முடியாது! மறக்கவும் முடியாது!
* அன்பு செலுத்துபவனை அடக்கி ஆழ முடியாது!
ஆனால், அடக்கி ஆழ்பவனையும் அன்பினால் வெல்லலாம்!
* பிராத்தனை உங்கள் நம்பிக்கைக்கு உயிர் கொடுக்காது!
நம்பிக்கைதான் உங்கள் பிராத்தனைக்கு உயிர் கொடுக்கும்!
* மனிதன் வெட்டும் போது ஆட்டின் இதயம் துடிக்கிறது!
அதன் கொலோஸ்ரோலால் மனித இதயம் வலிக்கிறது!
* தன்னைத் தானே காப்பாற்றிக் கொள்ளாத பெண்ணை
வேறு யாரும் காப்பாற்ற முடியாது!
* எளிதானதை சிக்கலாக்குவது எழிது.
ஆனால் சிக்கலானதை எளிதாக்குவதோ சிக்கல்!
* பணிவாக நடந்து கொள்வது
மேலதிகாரிகளிடம் எனில் கடமை!
சமமானவர்களிடம் எனில் பண்பாடு!
கீழானவர்களிடம் எனில் பெருந்தன்மை!
* காதல் என்பது பரீட்சை மாதிரி இல்லை.
ஒரு தடவை fail ஆனால் மறு தடவை எழுதி pass பண்ணுவதற்கு!
* அன்னையை எவரோடும் ஒப்பிடக் கூடாது!
அவள் ஈடற்றவள்!
*
* சுதந்திரம் ஒருவகைச் செருக்கு.
அதில் தந்திரம் சேர்ந்தால் அது வாழ்வின் சுருக்கு!
* இறைவன் ஒவ்வொரு உயிரினோடும்
உடன் பிறக்க முடியாது என்பதற்காக
தாயை தன் பிரதிநிதியாக அனுப்பி வைக்கிறான்!
* மனைவியும் கொம்பியூட்டரும் பயன்பாட்டில் ஒன்று.
புரிந்து கொண்டால் சொர்க்கம். இல்லை என்றால் நரகம்!
* பணிவு என்பது தாழ்மையின் சின்னமல்ல.
உயர்ந்த பண்பின் அறிகுறி!
* தவறு செய்ததால் ஏற்படும் மன உளைச்சலை விட
அதற்கு மன்னிப்புக் கேட்பதால் ஏற்படும்
மன நிறைவு உயர்வானது!
* எல்லோரிடத்திலும் தெய்வம் உண்டு!
ஆனால் எல்லோரும் தெய்வத்திடம் இல்லை!
* முட்டாள்கள் மௌனமாக இருப்பது புத்திசாலித்தனம்.
புத்திசாலிகள் மௌனமாக இருப்பது முட்டாள்தனம்!
************************************
